11 - Riedsútstel - Winsken en betinkingen untwerp Wetter- en rioleringsprogramma (Wrp) Wettersoarch

Riedsútstel

It Beslút Agindapunt Status Program Portefúljehâlder Amtner Bylage

: : : : : : :

Saak- en stiknûmer

:

19 febrewaris 2026 11 Beslútfoarmjend 7 – Folkssûnens en miljeu J.P. van der Velde Y. Visser 1. Wettersoarch Wrp Tytsjerksteradiel 2026-2031 hoofdrapport revisie 03, 27 januari 2026 2. Wettersoarch Wrp Tytsjerksteradiel 2026-2031 Achtergronddocument revisie 03, 27 januari 2026 202504027254 en 26ZG000616

Underwerp Winsken en betinkingen untwerp Wetter- en rioleringsprogramma (Wrp) Wettersoarch Wy stelle jo foar te besluten om: Gjin winsken en betinkingen yn te tsjinjen op it ûntwerp Wetter- en rioleringsprogramma (Wrp). Koarte gearfetting Us hjoeddeistige vGRP (verbreed Gemeentelijk Rioleringsplan) is fêststeld foar de perioade 2020-2025. Under de Omjouwingswet is in vGRP net langer ferplichte mar de gemeente hat noch altyd in soarchplicht foar de gemeentlike wettertaken en ek is der in gedegen (behear)plan noadich om de egalisaasjefoarsjenning en rioelheffing te ferantwurdzjen. Dêrom is der foar keazen om in Wetter- en riolearingsprogramma (Wrp) op te stellen. It Wrp sil it beliedskader foarmje foar de perioade 2026-2031. It Wrp bestiet út in (beliedsmjittich) haadrapport en in apart technysk eftergrûn dokumint. Foech ried/kolleezje Op grûn fan de Omjouwingswet is it Wetter- en Rioleringsprogramma in omjouwingsprogramma dat fêssteld wurdt troch it kolleezje fan boargemaster en wethâlders. It ûntwerp Wrp 'WETTERSOARCH' is opsteld en fêststeld troch it kolleezje. It kolleezje jout de ried no de gelegenheid om winsken en betinkingen yn te tsjinjen op it ûntwerp. De ried kin dit troch in amendemint foarm jaan. It foech foar it fêststellen fan de tariven en de needsaaklike krediten oer de perioade 2026-2031 foar de maatregels bliuwt lykwols by de ried.

Dêrom sil it definitieve Wrp foar dizze punten ek beslútfoarmjend oan de ried foarlein wurde. Dit giet dan om de ûnderdielen “programma” en “kostendekking” fan it haadrapport en de haadstikken 10 en 11 fan dit eftergrûndokumint.

Ynlieding Wy wolle ús wetlike soarchplichten op it mêd fan wetter sa goed mooglik ynfolle. Sjoen de klimatologyske feroarings sil der in kar makke wurde moatte yn wat wy wol en net akseptabel fine op it mêd fan wetter(oerlêst) mar ek op it mêd fan drûchte. Lykas beskreaun yn de startnotysje haw wy de ried, ús ynwenners, ûndernimmers en doarpsbelangen ynteraktyf belutsen by it meitsjen fan in beliedskar op it mêd fan de gemeentlike wettertaken en it bekostigjen dêrfan. Dit is dien troch in ynrinjûn te hâlden foar ynwenners, ûndernimmers/doarpsbelangen, in enkête út te fieren ûnder ynwenners en in temamiddei te hâlden mei riedsleden. Yn de riedsgearkomst fan 11 septimber 2025 is de ‘beleidskeuzenotitie’ opiniearend behannele en op basis fan dizze riedsgearkomst is it ûntwerp Wrp fjirder útwurke en de finansjele konsekwinsjes ynsichtlik makke. De resultaten fan de útwurking binne beskreaun yn it ûntwerp Wrp ‘Wettersoach'. Yn it ûntwerp Wrp binne beliedsfoarnimmens en byhearende maatregels foar ús (ôffal)wettersoarchplicht beskreaun foar de perioade 2026-2031. Dêrneist binne de maatregels fertaald yn in kostendekkingsplan en binne de gefolgen foar de rioelheffing ynsichtlik makke. It is in omjouwingsprogramma ûnder de Omjouwingswet. Dat betsjut dat it oanslút op de gemeentlike omjouwingsfisy.

Te berikken effekt Doel fan dit fêststelde ûntwerp Wrp is dizze foar te lizzen oan de ried en de ried freegje om gjin winsken en betinkingen yn te tsjinjen. Dêrneist sil it ûntwerp Wrp ta kommentaar foarlein wurde oan provinsje Fryslân en wetterskip Fryslân. Fjirder wurdt it op besjen lein om tredden ek de gelegenheid te jaan om reaksjes te jaan. Opmerkingen, reaksjes of sjenswizen sille, as noadich, ferwurke wurde yn it definitive Wrp. It definitive Wrp sil dan yn maart/april fêst steld wurde troch it kolleezje en oanslutend fynt de beslútfoarming fan de finansjele paragraaf (mei tariven rioelheffing) troch de gemeenteried plak. Foar mear ynformaasje wurdt ferwiisd nei de taheakke rapporten ‘Wettersoarch Wrp Hoofdrapport ontwerpversie 27 januari 2026’ en ‘Wettersoarch achtergronddocument ontwerpversie 27 januari 2026’. Arguminten 1. It WRP 2026 -2031 jout de ûnderbouwing fan de egalisaasjefoarsjenning riolearing en de rioelheffing Om’t it hjoeddeistige vGRP ferrûn is haw wy, neffens it BBV (Besluit Begroting en Verantwoording), in nij gedegen (behear)plan noadich om de egalisaasjefoarsjenning en rioelheffing te ferantwurdzjen. Dit dogge wy mei it nije WRP 2026 -2031. 2. Troch te ynvestearjen yn ús gemeentlike wettertaken en de foarsjenningen dy’t wy dêrby ynsette, wurde op lange termyn kostebesparringen realisearre.

Dat bart troch it ferminderjen fan skea troch wetteroerlêst en it ferheegjen fan de libbensdoer fan besteande ynfrastruktuer. Hege ynvestearringen binne needsaaklik om yn'e takomst hegere kosten foar te kommen. 3. Wy wolle ynfolling jaan oan it proses Wrp sa as dat earder fêstlein is yn de startnotysje Wrp. 4. It nije WRP is in omjouwingsprogramma ûnder de Omjouwingswet. It slút dêrom oan op ús omjouwingsfisy en op it (takomstige) omjouwingsplan. De tema's en opjeften út ús omjouwingsfisy binne omskreaun op in heech abstraksjenivo. It Wrp is as omjouwingsprogramma de brêge tusken de tema's en opjeften út de omjouwingsfisy en de regels yn it omjouwingsplan. It WRP befettet de beliedsútwurking fan de omjouwingsfizy mei de ynfolling fan ús wetlike soarchtaken foar ôffalwetter, himelwetter en grûnwetter. 5. It formele foech om it Wrp fêst te stellen leit by it kolleezje. Mar omdat it WRP ek kosten ynsichtlik makket en in foarstel docht foar de tariven rioelheffingen en mearjierrige krediten, leit der ek in foech by de gemeenteried. Troch it ûntwerp

Side

:

2

Wrp oan de gemeenteried oan te bieden, kin de gemeenteried alfêst yn de kunde komme mei it programma. 6. Oanslutend oan de definitive fêststelling fan it WRP (kolleezje maart/april 2026) fynt de beslútfoarming fan de finansjele paragraaf (mei tariven rioelheffingen en mearjierrige krediten) troch de gemeenteried plak. Dit giet dan om de ûnderdielen “programma” en “kostendekking” fan it haadrapport en de haadstikken 10 en 11 fan dit eftergrûndokumint. Foarútrinnend op dizze beslútfoarming freget it kolleezje de gemeenteried om gjin winsken en betinkingen yn te tsjinjen. 7. Neffens de Omjouwingswet moat in omjouwingsprogramma (en dus ek it WRP) seis wike op besjen lein wurde. De eventuele opmerkingen wurde ferwurke yn in reaksjenota en meinaam yn it definityf foarstel / fêststelling fan it WRP. Kanttekenings/risiko’s 1. Der kinne de kommende jierren nije ynsichten ûntstean of boppegrûnske ûntwikkelings komme wêrtroch nije projekten berne wurde. 2. De ynvestearrings fan it besteande areaal binne basearre op ynsichten fan 2025. Dit is foar in part op basis fan kwaliteitsgegevens mar fjirder yn de tiid op basis fan de technyske libbensdoer. Op basis fan dizze ynsichten komt der oan de ein en fuort nei de planperioade in ferfangingspyk fan guon rioelen. It is net útsluten dat in part fan dizze ferfanging earder moat op grûn fan kwaliteitskriteria. Oarsom kin fansels ek. 3.

Yn de roaiïng is gjin rekken hâlden mei yndeksearring. 4. Der is ek gjin rekken hâlden mei bygelyks boaiemfersmoarging, dit soe liede kinne ta tanimming fan kosten. Finânsjes De útjeften oan de gemeentlike wettertaken binne foar de kommende planperioade ynsichtlik makke. It hâld yn dat der gemiddeld in jierlikse eksploitaasjebudzjet noadich is fan € 2.800.000,-. Hjiryn binne de útkomsten fan de opiniearjende riedgearkomst fan septimber meinaam. Derneist is der foar alle ynfestearings yn rioelmaatregels yn de planperioade 2026-2031 in bedrach fan € 10.700.000 oan krediet noadich. De kaptaalslesten hjir fan wurde jierliks omslein nei it eksploitaasjebudzjet. De útjeften oan de gemeentlike wettertaken wurde dutsen troch de rioelheffing. Utgongspunt fan de heffingsberekkening yn it Wrp is in gemiddeld kostendekkingspersintaasje fan ca. 98% yn de planperioade. It jierliks tekoart (ca 2%) kin opfongen wurde troch de foarsjenning. It hâld yn dat de rioelheffing yn de planperioade (oant ‘e mei 2031) in jierlikse stiging plakfynt fan 3,2 persint. Dit is dan eksklusyf yndeksearring. Ynwenners- en oerheidspartisipaasje It ûntwerp Wrp sil ta kommentaar foarlein wurde oan provinsje Fryslân en wetterskip Fryslân. Dêmeist sil it bekend makke wurde op ús webside en yn de Actief dat it ûntwerp Wrp op besjen leit.

Kommunikaasje Lykas oanjûn wurdt it ûntwerp Wrp Wettersoarch ek foar kommentaar tastjoerd oan provinsje Fryslân en wetterskip Fryslân en op besjen lein foar boargers en stakeholders (bygelyks doarpsbelangen). Dit wurdt tegaerre mei team kommunikaasje oppakt. Yntegraliteit Foar de begelieding fan it opstellen fan in Wrp is in brede amtlike projektgroep Wrp gearstald (sjoch ek startnotysje). Hjirtroch binne de belutsen teams/ôfdielings oansluten by it projekt/proses en belutsen by it advystrajekt. Gearwurking Wetterskip Fryslân makket diel út fan de projektgroep.

Side

:

3

Ferfolchtrajekt It ûntwerp-WRP is foarlein oan it kolleezje foar frij-jefte, sadat it op besjen lein wurde kin. De ynssjochperioade is seis wike. De útkomsten fan dizze insjochperioade wurde bondele yn in reaksjenota. As de reaksjes oanlieding jouwe ta in bystelling fan it WRP, dan sille wy dêrfoar in foarstel dwaan. De definitive beslútfoarming stiet pland yn maart/april 2026. It programmadiel fan it WRP wurdt troch it kolleezje fêststeld, wylst de finansjele paragraaf (mei tariven rioelheffing) troch de gemeenteried fêststeld wurdt. Evaluaasje Evaluaasje fan it Wrp sil plakfine oan de ein fan de planperioade (2030-2031) by it opstellen fan in nij Wrp. Burgum, 27 jannewaris 2026 It kolleezje fan boargemaster en wethâlders fan Tytsjerksteradiel, sekretaris,

boargemaster,

dhr. drs. J. Krul

dhr. mr. K.A. Breuker

Side

:

4

Riedsbeslút De ried fan de gemeente Tytsjerksteradiel; Nei it lêzen fan it útstel fan it kolleezje fan boargemaster en wethâlders fan 27 jannewaris 2026, wurklistnûmer: 11; Beslút: Gjin winsken en betinkingen yn te tsjinjen op it ûntwerp Wetter- en rioleringsprogramma (WRP). Sa fêststeld yn de iepenbiere gearkomste fan de ried fan Tytsjerksteradiel fan 19 febrewaris 2026.

De griffier,

De foarsitter,

mefr. mr. A. Dam

dhr. mr. K.A. Breuker

Side

:

5