4. FNP I Omgean mei soevereine ynwenners yn ús gemeente
Tekst van het document
Aktuele fragen (kêst 33 RvO) Fan
:
FNP – Thea Hoekstra-Vleer
Oan
:
De foarsitter fan de ried
Underwerp
:
Omgean mei soevereine ynwenners yn ús gemeente
Datum riedsgearkomste
:
18 septimber 2025
Oanlieding: Yn hiel Nederlân, ek yn Fryslân, komme gemeenten hieltyd faker yn ’e kunde mei ynwenners dy’t harsels as “soeverein” beskôgje. Dizze minsken sizze dat se net ûnder de wetten fan de steat falle, en wolle harren net ûnderwerpe oan gemeentlike regels, belestingen of boetes. Se beroppe harren faak op alternative juridyske ynterpretaasjes en hawwe in eigen fyzje op frijheid en bestjoer. Okkerdeis wie der yn de rjochtbank fan Ljouwert in pro forma-sitting mei 5 fertochten dy’t soeverein neamd waarden yn de media. Neffens in artikel yn de L.K. fan tongersdei 11 septimber hearre de manlju neffens it I.M. ta de groep fan radikale soevereinen.
Fragen: 1. Hat it kolleezje aktueel ynsjoch hoefolle soevereine ynwenners der binne en hoe’t harren hâlding him ûntwikkelet? 2. Hat it kolleezje yn byld oft der by dizze groep risiko’s bestean foar eskalaasje of bedriging fan feilichheid fan ynwenners of meiwurkers, en op hokker wize wurdt der op antisipearre? 3. Hokker belied hat ús gemeente foar it omgean mei ynwenners dy’t harsels as soeverein beskôgje. 4. Hoe hâldst it lykwicht tusken rjochtshanthavening en respekt foar persoanlike oertsjûgingen? 5. Wurdt der gearwurke mei oare gemeenten of provinsje om kennis en ûnderfining út te wikseljen oer dit ûnderwerp?