Uutneudiging-roadsvergadering 25 meert 2021

ROADSVERGADERING (II)

Gemeente Roalte

25 meert 2021

An de leden van de road, Deur dit schrieven vroag ik oe of ie bie de roadsvergadering wult weazen op donderdag 25 meert van dit joar. Iederiene mag metkieken vanof zien compjoeter. De roadsvergadering begint um half achte ’s oamds (19.30 uur). De veurlopige besprekpunten bint deur de oaverleggroep die doarveur is, uut edacht. Ie ziet ze hieronder. De papperassen die d’r bie heurt, stoat op de website van de gemeenteroad. Ie weet wel: www.raalte.nl/gemeenteraad. Goa met oen moes (van de compjoeter) noar de goeie doatum en klik doar op. As ie d’r niet met terechte komt, vroag het dan mar an mekaere.

Raalte, 09 meert 2021 De veurzitter, M.P. Dadema

1

Beginpröatie

2

Besprekpunten vaste stellen

3

Besluten vaste stellen van 4 februari 2021

4

Tied veur hen-en-weer proaten

5

Niejs van de burgemeister en wetholders, det ze zelf vertelt

6

Antwoord geven op een breef van iene die ok in Roalte woont, oaver het gebruuk van vergif op het laand en bie het vee (landbouwgif).

7

Anstellen van nieje luu voor de Rekkenkaemergroep 2021 Op 1 aprul 2021 goat twee luu vot uut de Rekkenkaemergroep. Ientie heft ezegd det zie ok wel langer wul blieven. Doarumme stelt wule veur um heur, mevrouw O.P. Wertheim – Davygora vanof 1 april 2021 opniej veur 4 joar te benumen tut lid van de Rekkenkaemergroep veur 4 joar tied. Wule stelt ok nog veur um A. Titsing (een kjel) uut Nijverdal veur 4 joar bie de Rekkenkaemergroep te benumen.

8

Vaste stellen bestemmingsplan Hondemotsweg 30 (besprekstuk) De plaetse Hondemotsweg 30 hef een ‘agrarische bestemming’, mar d’r wödt al joaren niet meer eboerd. Ze gebruukt de stallen van vrogger de laetste tied um caravans neer te zetten. Noe bint het dree woonhuzen (bedriefswoningen). Op huusnummer 30 woont dent die het bedach hef ( initiatiefnemmer). Saemen met dent hebbe wie een plan emäk um een deel te slopen, opniej op te bouwen en te vergroten van de vroggere ruumtes met noe de caravans. Veurig joar vund het College dit goed op het ontwerpbestemmingsplan hierveur. Det veurstel kon iederiene inzien van 29 oktober 2020 tut en met 9 december 2020 op het gemeentehuus en doar hef gin mèènse op reageert. Ok hef, dent die het bedacht hef, evroagd of het bestemmingsplan een klein bettie an epast kan wörden zodet de götte- en bouwheugte van een schure deur könt goan. Veur esteld wördt um het bestemmingsplan op det puntie an te passen en vaste te stellen.

9

Vaste stellen niej Reglement van Orde (besprekstuk) Deur veraandering van wetgeving en een aandere meniere van oaverleg van de gemeenteroad is anpassing van het Reglement van Orde van de gemeenteroad neudig. De gemeenteroad wördt veur esteld um dit goed te vinden veur 2021.

10

Vaste stellen richtlienen zunneparken in de gemeente Roalte 2.0 (besprekstuk) Op 10 december 2020 hef de gemeenteroad in het Um-de-toafel-gesprek esprökken oaver de Evaluatie Richtlienen zunneparken. Wie hebt hierbie op papier ezet hoe met de road uut die evaluatie umme goane wördt en wanneer en um welk rèden die Richtlienen anepast wördt. De uutkomst van het Um-de-toafelgesprek stiet in een roadsveurstel en de ‘Richtlienen zunneparken in de gemeente Raalte 2.0’. De road uut de Evaluatie bint grotendeels oaver enömmen en ok bint d’r wat niejetieds (beleids)ontwikkelingen in de richtlienen verwerkt. De gemeenteroad wördt evroagd de ‘Richtlienen zunneparken in de gemeente Roalte 2.0’ vaste te stellen.

11

Sluting