Agenda roadsvergadering 13 meert 2025

ROADSVERGADERING (II) Gemeente Roalte

13 meert 2025

An de leden van de road, Graeg neudig ik oe uut veur het biewonen van een roadsvergadering, woar iederiene bie mag weazen, op donderdag 13 meert 2025 um half achte ’s oamds (19.30 uur) in de roadzaal van het gemeentehuus. De veurlopige besprekpunten (agenda) is deur de agendacommissie op esteld en die vin ie hierbij. De papperassen die d’r bie heurt, stoat op: www.raalte.nl/gemeenteraad (website). Goa met oen moes (van de compjoeter) noar de goeie doatum en klik doar op. Raalte, 07 meert 2025

De veurzitter, R.J. Zuidema

1

Beginpröatie

2

Besprekpunten vaste stellen

3

Beslutenlieste vaste stellen van ’t oaverleg van de 13-den van veurige moand.

4

Niejs van de Burgemeister en Wetholders

5

Veurdracht door de Werkgroep Dialect van de Historische Vereniging Uut andach veur de streektaal van Salland begint wule met uutleg woarumme dialect en streektaal belangriek bint en det gebeurt in het plat.

6

Benumen van de nieje wetholder

7

Anwiezen van iene die informatie in de gaten hölt (gegevensbescherming); kepotte haemer (of hamerstuk) Zie vreugen de gemeenteroad um d’r iene (medewerker) an te wiezen as functionaris gegevensbescherming.

8

Zienswieze vergunning wandelbuis Heino (Laandgoed Rozendael) ProRail wul een wandelbuis (kuiertunnel) op laandgoed Rozendael plaetsen. De gemeenteroad besluut of det mag umdet het ofwiekt van het bestemmingsplan. De road besprekt de zienswieze den is neer elegd.

9

Vaste stellen van het inspiratiestuk "Het Oaveriesselse Kanale – Deelstukken doarvan en meugelijk anbod veur vriejetieds-economie in de gemeente Roalte" De gemeenteroad stelt het plan veur het versterken van zaeken um vriejetied deur te brengen an het Overiesselse Kanale vaste. Ondernemmers en olle aanderen moedigt de gemeente an um dingen veur de vriejetied te regelen veur vekantiegangers en recreanten.

10

Sluting

Met dank aan Harry Velderman voor de vertaling in het Sallands dialect.