Agenda roadsvergadering 10 meert 2022.

ROADSVERGADERING (III)

Gemeente Roalte

10 meert 2022

An de leden van de road, Deur dit schrieven vroag ik oe of ie bie de roadsvergadering wult weazen op donderdag 10 meert van dit joar. De roadsvergadering begint um half achte ’s oamds (19.30 uur). De veurlopige besprekpunten bint deur de oaverleggroep die doarveur is, uut edacht. Ie ziet de punten hieronder. De papperassen die d’r bie heurt, stoat op de website van de gemeenteroad. Ie weet wel: www.raalte.nl/gemeenteraad. Goa met oen moes (van de compjoeter) noar vergaderstukken en noar de goeie doatum en klik doar op.

Raalte, 04 meert 2022 De veurzitter, M.P. Dadema

1

Beginpröatie

2

Besprekpunten vaste stellen

3

Besluten vaste stellen van de 17-den van veurige moand.

4

Tied veur hen-en-weer proaten

5

Niejs van de burgemeister en wetholders, det ze zelf vertelt

6

Vaste stellen “suppletie-uutkering Niet Esprungen Explosieven 2020-2021” (haemerstuk) Bij ’t werk an de Oale Linderteseweg is in 2021 een vliegtuugbomme uut WOII an etröffen. Grondonderzuuk noar ontploffingsgevoar brengt onverwachte kosten met zich met. Het Rijk kan een stuk hiervan betalen met het gemeentefonds 2022, mar dan mutte wie vroagen um een suppletieuutkering. Wule vroagt de gemeenteroad um goed te vinden, det wie een anvroage indient.

7

Vaste stellen bestemmingsplan Witteveensweg 15 Heeten (besprekstuk) Dit ontwerpbestemmingsplan Witteveensweg 15 Heeten kon iederiene inzien van 2 december 2021 tut en met 12 januari 2022 en doar hef gin mèènse op ereageerd. Het giet um het bouwen van íen Rood veur Rood woning op het eigen erf. Op disse eigen grond wördt 949 m2 vroggere boeren bedriefsruumte of ebrökken. Det is genog um íen compensatiekavel op de eigen grond te geven. Daarnöast wul de anvroager een ligboxenstal, werktugenschure, schuulhutte en garage loaten stoan, saemen 606 m2. Het plan voldut an de Rood veur Rood veurwaarden zoals beschreven in ‘Erven in beweaging’. Wule vroagt de gemeenteraad um het ontwerpbestemmingsplan Witteveensweg 15 vaste te stellen.

8

Vaste stellen deelnemmen onder de Umgevingswet: anwiezing van gevallen woarin deelnemmen verplicht is (besprekstuk) In dit veurstel wördt in egoane op de eisen die de Umgevingswet aan deelnemmen stelt. Speciaal giet het hierbie um een nieje meniere: de Road kan gevallen aanwiezen woarin deelnemmen door initiatiefnemmers verplicht is. Het betreft umgevingsvergunningen veur de zgn. butenplanse umgevingsplanactiviteit (in het Algemeen Nederlands kört ze det of as: ‘buitenplanse OPA’ = wat goan doen det niet in het umgevingsplan past). Wule stelt veur um bie olle buitenplanse OPA’s deelnemmen verplicht te stellen.

9

Vaste stellen um een Adviescommissie Ruumtelijke Kwaliteit in te stellen (besprekstuk) Wule stelt veur det ie het iens bint met de verordening adviescommissie ruumtelijke kwaliteit. Ie weet wel det is de opvolger van de monnementencommissie onder de Umgevingswet. En wieder stelt wie veur det ule instemt met de benuming van de commissieleden. En det ie het reglement van orde deur least..

10

Vaste stellen van de Noadeel-tegemoet-komming gemeente Roalte 2022 (haemerstuk) Met de Umgevingswet kump ok een nieje wettelijke regeling Noadeel-tegemoet-komming. Disse verordening hierveur mäk het meugelijk um hierbie anvullende bepalingen in te voeren. Het vaste stellen van disse verordening is het minste wat ie kunt doen (“minimale acties bie de Umgevingswet) zoas bedacht deur de Vereniging Nederlandse Gemeenten (VNG). De Gemeenteroad wördt evroagd de “Noadeel-tegemoet-komming Gemeente Roalte 2022” vaste te stellen.

11

Vaste stellen bevoegdheden Road & College onder de Umgevingswet (besprekstuk) Deur de Umgevingswet bint d’r grote veraanderingen in de ruumte um oons hen. In dit veurstel vroagt wule de Road um zich uut te sprekken wie het recht hef um te besluten oaver het geven van een umgevingsvergunning of het vaste stellen van een umgevingsplan en het uutoefenen van verplichtend adviesrecht. De Road kan dit recht van beslissen noar eigen meaning verdelen. In dit veurstel sluut wule zovölle meugelijk an bie de bestoande meniere van werken zoas disse noe, veurdet de Umgevingswet begint, gebruukt wördt én bie de grote lijn die de Road hef met egeven in het rondetoafelgesprek van 18 november 2021. Gemeenteroad, wul ie het recht um besluten te nemmen oaver delen van het Umgevingsplan oaverloaten (delegeren) an het college van B&W?

12

Sluting

Harry Velderman hef dit in dialect op eschreven. Bedankt doarveur.