AANGEKONDIGD 9.2 Moasje Goed foarbyld docht goed folgjen - FNP-CDA
Tekst van het document
Moasje Goed foarbyld docht goed folgjen Dizze moasje heart by agindapunt 9 Startnotysje Frysk taalbelied fan de riedsgearkomste fan 10 novimber 2025.
Foarstel Wy freegje it kolleezje om yn de startnotysje Frysk taalbelied neist wetlike kaders in kop mei de folgende kaders/útgongspunten fan it Frysk taalbelied foar Opsterlan ta te heakjen: 1. Frysk en Nederlansk binne lykweardich; 2. Wy kieze foar in dûbeltalige oanpak (en/en) yn stee fan in twatalige (of/of); 3. De gemeente hat in foarbyldrol: se brûkt en stimulearret it Frysk aktyf; 4. De gemeente draacht it Frysk sichtber út en noadiget ynwenners út om de taal te brûken; 5. De gemeente skept in omjouwing dêr’t ynwenners kommunisearje kinne yn it Frysk of it Nederlânsk, neffens harren foarkar.
Motivaasje Yn de startnotysje wurde de wetlike kaders en it bilang dêrfan goed dúdlik. Troch dêrneist oan de foarkant dúdlike útgongspunten foar it Fryske taalbelied fan Opsterlân fêst te stellen, wurde de kaders en ambysjes fan it belied helder. Dizze útgongspunten kinne yn it fierdere proses brûkt wurde om mei belutsen partijen te oerlizzen, te toetsen en dêr’t nedich oan te passen. Dizze moasje wurdt yntsjinne troch: Mirjam Bergsma Martin de Vries
Yn te foljen troch de griffy: Dizze moasje is oannaam / fersmiten / ynlutsen yn de riedsgearkomste fan 10 novimber 2025. Foar stimden: Tsjin stimden: De griffier,
De foarsitter,
Laura Meijer
Andries Bouwman
In moasje is meastentiids in fersyk oan it kolleezje. Alle riedsleden kinne in moasje yntsjinje yn de riedsgearkomste. Yn dy riedsgearkomste stimme de riedsleden oer de moasje, dan wurdt hy oannaam (de mearderheid stimt foar de moasje) of fersmiten (de mearderheid stimt tsjin de moasje).