Meerjaorenplan 2022-2026 Stellingwarver versie

___________________________________________________________________________

Meerjaorenplan 2022-2026 bestuur Stichting Stellingwarver Schrieversronte

1

___________________________________________________________________________

Meerjaorenplan 2022-2026 Stichting Stellingwarver Schrieversronte

De Stellingwarver Schrieversronte is een orgenisaosie mit een open deure veur iederiene die as de Stellingwarver tael, kultuur, historie en et landschop een warm hatte toedreegt De SSR op een ni’j spoor Bi’j de erkenning van et Nedersaksisch in 2018 het de minister zegt: “et Nedersaksisch wordt beschouwd als een actuele spiegel van een levende, eeuwenoude traditie, die op moderne wijze wordt voortgezet”. Die mederne wieze willen wi’j in de kommende jaoren hanen en voeten geven. Neffens oons moet dat deur toegankelik te wezen, liekegoed in huusvesting as in de digitaole omgeving. De verbiening mit kultuur, historie en laandschop mag meer benaodrokt wodden en in saemenwarking mit aandere orgenisaosies tot uutdrokking kommen. Waar we an werken willen In de kommende jaoren willen we zorgen dat de SSR nog meer zichtber wordt in de regio. De verbiening en saemenwarking mit die regio moet verstarkt worden. Oonze tael wortelt in kultuur en historie, mar is et ok weerd om now en in de toekomst een plak te hollen in de saemenleving. Wi’j bin groots op oons gebied, de historie en de kultuur. In onze tael dregen we dat uut. Dit willen we veerder verstarken. Et bestuur van de SSR wil de kommende 4 jaar de volgende onderwarpen mit naeme meer verstarken en uutbouwen. De huusvesting moet weer passen bi’j disse tied en ruumte geven veur ontmoeting, expesisie en archief.

We willen gruuien naor een kultureel centrum in Oldeberkoop, waor as et fijn werken is, kennis over de Stellingwarven en de streektael te vienen is en waor as ruumte is veur kursussen, publicaoties en kulturele aktiviteiten. Digitaol willen we goed toegankelik wezen veur iederiene. Eerste veurwaarde hierveur is dat er 1 webstee komt mit een euverzichtelik menu veur infermaosie, publicaosies, webwinkel en anbod veur kursussen en warkwinkels. Ok de beriekberheid per lienpost moet euverzichteliker worden. Elke kemmissie, bestuur en direktie dient een eigen lienpostadres te kriegen. Waor mogelik dient et (les)materiaol ok digitaol beschikber te wezen. De saemenwarking mit maatschappelike orgenisaosies en overheden moet aktief zocht worden. Hierdeur moet de SSR meer zichtber worden in de regio. De Stellingwarven is in toeristisch opzicht een prachtig mooi gebied. De SSR gaot op zuke naor saemenwarking mit orgenisaosies en ondernemers in et toerisme. We zuken naor mogelikheden om saemen te warken an et promoten van de Stellingwarven. Bestuurlik wil de SSR zorgen veur een gezonde financiële orgenisaosie. Hiertoe moet een kosten-batenanalyse maekt worden. In de relaosies mit verschillende parti’jen willen wi’j veural saemenwarking en verbundenheid zuken. We willen vri’jwilligers betrekken bi’j prejekten en zorgen dat de structuur van een kemmissie helder en overzichtelik is.

Meerjaorenplan 2022-2026 bestuur Stichting Stellingwarver Schrieversronte

2

___________________________________________________________________________ Kultureel Centrum Et gebouw van de SSR is een gemientelik monumentaol pand. De insteek is om et gebouw veur de SSR te beholden. Et gebouw is an renovaosie toe. De indieling is niet wat de SSR neudig het. Om te zorgen dat et financieel meugelik is om in et gebouw te blieven wordt zocht naor investeerders en mitgebrukers. Op kotte termi’jn moet dudelik worden of dit lokken gaot. Et plan is om de indieling van et gebouw an te passen an wat de SSR neudig het. De uutstraoling now is dateerd en muf. We willen graeg een gebouw dat de historie zien laot, mar dat ok gastvri’j en toegankelik is. Veur vri’jwilligers en warknemers een gezonde plak om te warken. Gewenst is ruumte veur ekspositie, kulturele aktiviteiten, ontmoeting en kursussen en verkoop van publicaoties. Een weens is om ruumte te hebben veur infermele ontmoeting; een huuskaemer waor as meensken mekere ontmoeten kunnen, kunnen zitten lezen, een spel kunnen doen of een gesprek voeren. Eupen en toegankelik bin de kernwoorden. Als kultureel centrum dient de SSR ok buten et gebouw aktiviteiten te ontplooien. Te daenken vaalt an kulturele evenementen as een lietiesfestival, een poëziedag of een kulturele aovond in een dorpshuus in saemenwarking mit een dorpsbelang of kemmissie van een dorp.

Vanuut et kultureel centrum zol er ok een aktief anbod daon moeten worden naor belangstellenden en verienigings veur thema-aovenden, kursussen en lezings. De SSR moet hierdeur weer meer zichtber worden in de regio. In de saemenwarking mit de andere Nedersaksische taelinstituten kan de premosie van de streektael ok buten de regio meer onder de andacht bracht worden. Digitaol In disse tied heurt de digitaole omgeving net zo goed bi’j een orgenisaosie as een gebouw. Et digitale gebouw dient opni’j inricht te worden. Er moet 1 gebruuksvriendelike webstee kommen mit een overzichtelik menu veur infermaosie, publicaosies, webwinkel en anbod veur kursussen en warkwinkels. Tevens dient er een verbiening te wezen mit de webstee veur hiemkunde. Een webwinkel is een ni’j onderdiel van oons anbod. We vienen dat we hier niet zonder kunnen in disse tied. De beriekberheid per lienpost moet overzichteliker worden. Elke kemmissie, bestuur en direktie dienen een eigen lienpostadres te kriegen. Social Media zal inzet worden om op een kompakte meniere meensken te interesseren veur de tael. Om de webstee te bouwen zuwwe eksterne ekspertise inkopen. Intern zal een mitwarker van de SSR zich bezig hollen mit de inhold van de ni’je webstee. Op de olde websteen(3) bevient zich een schat an materiaol. Een diel is niet meer van toepassing, mar vule is van historische weerde.

Er zal een kemmissie van vr’ijwilligers vraogd worden om uut te zuken wat weg mag en wat er beweerd moet worden. We stellen ons veur om mit et weerdevolle materiaol een Wikipediasite te vullen. Op die meniere wordt de webstee van de SSR euverzichteliker en toegelikertied kriegt et olde materiaol een goed plak.

Meerjaorenplan 2022-2026 bestuur Stichting Stellingwarver Schrieversronte

3

___________________________________________________________________________

Toerisme en recreaotie De saemenwarking mit orgenisaosies en bedrieven in et toerisme het oonze speciale andacht. De Stellingwarven bin in toeristisch opzicht een prachtig mooi gebied. Niet allienig landschoppelik, maar ok zeker in kultureel en historisch opzicht. De SSR gaot op zuke naor saemenwarking mit orgenisaosies en ondernemers in et toerisme. We zuken naor meugelikheden om saemen te warken an et promoten van de Stellingwarven. Dit kan deur publicaosies, kuier- en fietsroutes en merchandise, zoals bi’jveurbeeld spullegies of een vekaansieboek veur kinder, mar ok deur kulturele aktiviteiten in de zoemermaonden. De SSR kan in disse saemenwarking heur rol as kenniscentrum vervullen. Informaosie over laandschop, historie en kultuur kan bruukt worden in publicaosies as kuier- en fietsroutes, mar ok infermaosiebodden of QR-codes die leiden naor schreven of spreuken tael bieden kaansen. Een mooi veurbeeld bin luusterbaanken, waor ie via de QR-code een verhael over et gebied heuren kunnen waor aj’ op dat mement middenin zitten. Dit zol in et Nederlaans en et Stellingwarfs kunnen. Aktiviteiten as zoemeraovondvertellings kunnen bi’jdregen an et kultureel toeristisch anbod in de regio. Onderwies De SSR het op et gebied van onderwies an kinder en volwassenen een degelike basis. Veur ni’je prejekten staon we eupen.

Bestaonde prejekten kunnen verbeterd worden of verni’jd, mar bi’j dit onderdiel willen we ok beholden wat as goed is. - Prejekt de Veerkieker veur basisschoelen - Kursus Stellingwarfs i.s.m. Comprix College - Kursussen Stellingwarfs veur beginners en gevorderden - Kursussen schrieven en poëzie - E-learning; taelcursus veur volwassenen prejekt waaran warkt wordt. Bestuur van de SSR Veur et bestuur bin er twie belangrieke onderwarpen; relaosies en financiën. We willen dat de SSR een gezonde financiële orgenisaosie blieft. Hierveur moet een kostenbatenanalyse maekt worden. Hierbi’j worden direktie en accountant betrokken. Et bestuur is verantwoordelik veur et gebruken van de subsidies en de afspraoken die maekt worden bi’j co-financiering. Et bestuur is ok verantwoordelik veur de arbeidsoverienkomsten. De relaosies bin zowel intern, mitwarkers, leden en vri’jwilligers, as extern, overheden en orgenisaosies in de regio. Veur de vri’jwilligers dient de struktuur helder te wezen. De vri’jwilligers heuren altied bi’j een kemmissie. De kemmissie het een veurzitter. De kemmissie het een eigen lienpostadres. Er wordt verslag daon an et bestuur. Iedere kemmissie het een anspreekpunt binnen et bestuur, of een bestuurslid het zitting in de kemmissie. Per prejekt zullen er vri’jwilligers vraogd worden. In de relaosie mit de overheid hoopt et bestuur een ni’j begin te maeken.

Dit meerjaorenplan moet bi’jdregen an een goed beeld van wat de SSR wil en kan doen.

Meerjaorenplan 2022-2026 bestuur Stichting Stellingwarver Schrieversronte

4

___________________________________________________________________________

Tiedliende wat gaon we doen plan maeken om et gebouw te renoveren renoveren/verbouwen ni’je webstee offertes vraogen ni’je webstee bouwen en vullen olde websteen opschonen en Wikipediapagina maeken Twitteraccount bruken saemenwarken mit toeristische sektor Diverse prejekten diverse kulturele aktiviteiten in de regio kosten- batenanalyse maeken

Wanneer starten medio 2022 ? november-december 2021 2022 2022 medio 2022 opstarten in 2022 z.s.m. 2022

Meerjaorenplan 2022-2026 bestuur Stichting Stellingwarver Schrieversronte

5