M-010 Motie Stellingwarfs ‘Hier ku’j gewoon Stellingwarfs praoten’ definitief

MOTIE

M-010 De raod van de gemiente Oost-Stellingwarf in de vergeerdering bi’j mekere op 1-11-2022 Agendapunt: Wieziging koers netisie Stellingwarfs binnen de Stellingwarven en regeling Stellingwarfs Onderwarp motie: ‘Hier ku’j gewoon Stellingwarfs praoten’

Ondergetekenden, leden van de raod van de gemiente Oost-Stellingwarf, Konstaterende dat; - Et kollege in de raodskemmissie angaf dat de gemiente zels gien uterings dot in et Stellingwarfs; - De Raod et belangriek vint om et Stellingwarfs an te vieteren en in levend gebruuk te holen. Overwegende dat; - Et Nederlaans wodt et meerst bruukt in Oost-Stellingwarf; - Een streektaol levend blift deur et gebruuk d’r van; - Et gebruuk van de streektaol op ‘e gemientelijke webstee helpen kan om de tael zichtber te maeken; - De drietaelighied en et eigen kerakter van de gemiente Oost-Stellingwarf zien laoten kan an toeristen. Verzuken et kollege - Om op ‘e gemientelijke webstee en in de gemientegids uterings te geven an et drietaelige kerakter van Oosts-Stellingwarf, deur juust ok et Stellingwarfs en it Frysk te bruken om op die bladziede die drietaelighied onder de andacht te brengen. en gaon over tot de odder van de dag. Ondertekening en naeme: GruunLinks, Henk Vos D66 Oost-Stellingwarf, Ignas Minnema VVD, Sierd van Weperen

De motie is overneumen in de vergeerdering van 1 november 2022 De motie is anneumen in de vergeerdering van 1 november 2022 De motie is verwurpen in de vergeerdering van 1 november 2022 Vrouw Drs. M. van Bergen, griffier