Ynlutsen - Moasje frjemd - Netkongestje 230413

Jiertal / saaknûmer: 2023-088079 MOASJE Art. 49 RfO Moasje oer in net op de aginda opnaam ûnderwerp

De ried fan de gemeente Noardeast-Fryslân yn gearkomste byinoar op 13 april 2023

Underwerp: Netkongestje

De ried, heard it beried, konstatearjend dat: • de FNP-fraksje skriftlike fragen steld hat oer de (driigjende) netkongestje yn ús gemeente; • it byld dat it kolleezje yn harren antwurd sketst tige soarchlik is; • de CDA-fraksje mûnling fragen steld hat oer dit ûnderwerp; • it kolleezje seit op dit stuit gjin dúdlike mooglikheid / oplossing te hawwen om netkongestje oan te pakken; • de (amtlike) kapasiteit fan de gemeente Noardeast-Fryslân op dit mêd op dit stuit net foldwaande is; yn beried nimmend dat: • netkongestje bedriigjend is foar de ekonomyske ûntwikkeling yn Noardeast-Fryslân (wêrûnder bygelyks de oanlis en/of útwreiding fan bedriuweterreinen); • netkongestje bedriigjend is foar de enerzjytransysje yn Noardeast-Fryslân; • op dit stuit ûndernimmers mei in grutferbrûkersoansluting net útwreidzje kinne en/of harren nij fêstigje kinne yn Noardeast-Fryslân; • enerzjyprojekten lykas sinneparken op dit stuit net fan de grûn komme kinne yn Noardeast-Fryslân; • ek lytstere bedriuwen, wenningbouprojekten en it weromleverjen fan stroom troch partikulieren mooglik yn gefaar komme kin; • it wichtich is dat de gemeente Noardeast-Fryslân foldwaande (amtlike) kapasiteit hat om dit probleem oan te pakken; • fanút it Ryk CDOKE jilden beskikber steld wurde dy't brûkt wurde kin foar de (amtlike) kapasiteit fan de gemeente op dit mêd; ropt it kolleezje op: • op koarte termyn in konkreet

plan fan oanpak te meitsjen om de netkongestje yn goeie banen te lieden; • as gemeente te soargjen foar foldwaande (amtlike) kapasiteit op dit mêd;

•

de gemeenteried oer boppesteande te ynformearjen foar 1 july 2023,

en giet oer ta de oarder fan de dei.

Yntsjinne troch: J.D. van der Schaaf (FNP), CDA, GB, S!N, VVD

Moasje ynlutsen