oannommen - Moasje - FNP - Akwatermy yn Noardeast-Fryslân

Z276687-2020 MOASJE Art. 49 RfO



Moasje nei oanlieding fan agendapunt nû. 7 yn de riedsgearkomste fan 18 febrewaris 2021

De ried fan de gemeente Noardeast-Fryslân yn gearkomste byinoar op tongersdei 18 febrewaris 2021

Underwerp: Akwatermy yn Noardeast-Fryslân

De Ried, heard it beried, oerwaagjend dat: - de RES-opjefte foaral út sinne- en wynenerzjyopbringsten bestiet; - akwatermy sawol mei oerflakte-, drink-, ôffal- en rioelwetter opwekke wurde kin; - akwatermy mooglik yn 60% fan de regionale waarmtefraach yn Fryslân foarsjen kin; - Noardeast-Fryslân in wetterryk gebiet en dus in gaadlik opwekgebiet is; - akwatermy stadichoan posityf omearme wurdt troch sawol provinsje as wetterskip; - it binnen de enerzjyambysjes fan de riedsaginda Noardeast, it koalysjeakkoart Noardeast en it bestjoersakkoart provinsje Fryslân past; - it (lokale) bedriuwslibben de potinsje fan akwatermy yn Noardeast ek sjocht; fan miening dat: - akwatermy goed yn it Fryske lânskip mei har plattelânskarakter passe kin; - akwatermy oanslút by de winsken fan de mienskip; - akwatermy in gaadlik alternatyf is foar ierdgas; - akwatermy it elektrisiteitsnetwurk minder belêstet en der net folle romteopslach yn de beboude omjouwing nedich is; - de ûntwikkelingen fan akwatermy in positive ympakt ha kinne op ûnderwiis, wurkgelegenheid en ynnovaasje; - it positive ekologyske effekten op it wettersysteem hat; - akwatermy helber, betelber en technysk trochûntwikkele is;

fersiket it kolleezje: - te ûndersykjen hokker mooglikheden der yn Noardeast-Fryslân binne om akwatermy te ûntwikkeljen; - te besjen oft der yn Noardeast-Fryslân mooglikheden binne om, as earste Fryske gemeente, in pilot út te rôljen; - as gemeente dêrby safolle as mooglik de gearwurking mei ANNO-gemeenten, provinsje, wetterskip, bedriuwslibben, ûnderwiis en ekspertizesintrum ECW te sykjen; - de ried hjiroer te ynformearjen, en giet oer ta de oarder fan de dei

Yntsjinne troch: B. Koonstra (FNP), S!N, VVD, ELP-NEF, CU, PvdA en GROEN nof

Stimming

Foar: FNP (5), S!N (4), VVD (3), ELP-NEF (1), CU (4), PvdA (1), GROEN nof (1) =, GBNF (2) = 21

Tsjin: CDA (7), ALL (1) = 8

Moasje oannommen

Sa besletten troch de ried fan de gemeente Noardeast-Fryslân yn syn iepenbiere gearkomste fan 18 febrewaris 2021. De ried niisneamd, de griffier,

de foarsitter,

{{Signer1}}

{{Signer2}}

mr. S.K. Dijkstra

mr. J.G. Kramer

Signed By: Dijkstra, Sytze <s.dijkstra@noardeast-fryslan.nl> 22/02/2021 11:35:32 CET ID: d3366f2a-60f0-46a3-948d-1c465e5aba45 Auth: Scribble

Signed By: Kramer, Johannes <j.kramer@noardeast-fryslan.nl> 22/02/2021 17:52:39 CET ID: d3366f2a-60f0-46a3-948d-1c465e5aba45 Auth: Scribble