Moasje frjemd - Kwelders

Jiertal / saaknûmer: 2026-101207

MOASJE Art. 48 RfO Moasje oer in net op de aginda opnaam ûnderwerp

De ried fan de gemeente Noardeast-Fryslân yn gearkomste byinoar op 16 april 2026

Underwerp: Kwelders

De ried, heard it beried, konstatearjend dat: • Rykswettersteat sûnder oerlis mei oare oerheden en mienskip kwelders ôfsluten hat of ôfslute sil; • dizze maatregels yn de praktyk liede ta útsluten fan ynwenners út harren eigen leefomjouwing; • der gjin dúdlik, dield transparant ferhaal leit ûnder dizze yngripende beslúten; • de gemeente net belutsen west hat, wylst it wol effekt ha kin op de toeristyske plannen dy't der lizze; oerwaagjende dat: • de kwelders net allinne natuer binne, mar ea oanlein bin as nije lânbougrûn, en dêrneist ek ûnderdiel binne fan de identiteit en it deistich libben fan de mienskip fan de kustdoarpen; • it ôfsluten fan gebieten sûnder draachflak, it betrouwen yn it hanneljen fan de oerheid fierder ôfbrekt; • natuerbeleid it bêste slagget as de mienskip der ûnderdiel fan is; sprekt út dat: • it ûnakseptabel is dat besluten fan it Ryk oer de hollen fan ynwenners hinne nommen wurde; • de gemeente dúdlik en stevich stelling nimme moat tsjin it hanneljen fan Rykswettersteat en de stim fan de mienskip fertsjinwurdigje moat;

fersiket it kolleezje: 1. om him aktyf, sichtber en mei klam yn te setten rjochting Rykswettersteat en it Wetterskip, mei as doel te lobbyen foar it weromdraaien of fersêftsjen fan de tagongsferboaden; 2. om as gemeente de regy te nimmen yn it organisearjen fan in iepen en earlik proses mei de belutsen oerheden dat ek sichtber is en goed kommunisearre wurde sil nei de mienskip; 3. om dúdlik te meitsjen dat natuerbelied yn Noardeast-Fryslân it bêste slagje kin mei draachflak út de mienskip; 4. om de ried op koarte termyn, mar yn elk gefal foar 1 juny 2026, te ynformearjen oer konkrete stappen en resultaten yn dit dossier, en giet oer ta de oarder fan de dei.

Yntsjinne troch: J. Andringa (FNP), LNF, BBB, CDA, CU, GB, VVD

Stimming

Foar: FNP, LNF, BBB, CDA, CU, GB, VVD, S!N, PvdA (28)

Tsjin: -

Moasje oannaam

Sa besletten troch de ried fan de gemeente Noardeast-Fryslân yn syn iepenbiere gearkomste fan 16 april 2026. De ried niisneamd, de griffier,

de foarsitter,

Signed By: Dijkstra, Sytze 17/04/2026 12:15:34 +02:00 ID: 14576b76-9601-4e0e-bb72-7fe81af83dad Auth: Scribble

{{Signer1}}

Signed By: Kramer, Johannes 17/04/2026 14:00:34 +02:00 ID: 14576b76-9601-4e0e-bb72-7fe81af83dad Auth: Scribble

{{Signer2}}

mr. S.K. Dijkstra

mr. J.G. Kramer