250403 Moasje frjemd - Mear romte foar lytse wenningen op eigen hiem - oannaam

Jiertal / saaknûmer: 2025-072924 MOASJE Art. 48 RfO Moasje oer in net op de aginda opnaam ûnderwerp

De ried fan de gemeente Noardeast-Fryslân yn gearkomste byinoar op 3 april 2025

Underwerp: Mear romte foar lytse wenningen op eigen hiem

De ried, heard it beried, konstatearjend dat: • der in groeiend ferlet fan fleksibele wenfoarmen lykas tiny houses en mantelsoarchwenten is; • starters en âlderein muoite hawwe om geskikte en betelbere wenromte te finen binnen de gemeente; • de hjoeddeistige regeljouwing en it omjouwingsplan faak te beheinend binne, wêrtroch’t it foar ynwenners dreech is om in lytse wenning op harren eigen terrein te pleatsen; • it foarstel fan minister Mona Keijzer pleitet foar minder regels en mear romte foar partikulier inisjatyf op it mêd fan wenjen; oerwaagjende dat: • it tastean fan lytse wenningen op eigen mêd bydraacht oan: - betelbere wenromte foar starters, wêrtroch't se yn de gemeente wenjen bliuwe kinne; - mear trochstreaming op de wenningmerk, om’t âlderen en oare húshâldens fleksibeler wenje kinne; - sosjale bining binnen húshâldingen en doarpsmienskippen; - duorsum en effisjint romtegebrûk, passend by it wenferlet fan dizze tiid; • gemeenten beliedsfrijheid hawwe om planologysk romte te bieden foar ynnovative wenfoarmen binnen it omjouwingsplan; fersiket it kolleezje: 1. te ûndersykjen hoe't it ienfâldiger en flugger makke wurde kin om in lytse wenning op eigen terrein te pleatsen, sûnder ûnnedige fergunningstrajekten; 2. spesifyk te sjen nei de kânsen foar starters en âlderein, sa’t sy binnen de gemeenten passende wenromte fine kinne;

3. ynwenners aktyf te ynformearjen oer de mooglikheden en rânebetingsten foar it pleatsen fan in lytse wenning op eigen terrein; 4. de ried foar 1 juni 2025 te ynformearjen mei in konkreet foarstel foar oanpassing fan it omjouwingsplan, en giet oer ta de oarder fan de dei.

Yntsjinne troch: A. Buwalda (FNP), CU, CDA, LNF, VVD, S!N, GBNF, PvdA

Stimming

Foar: FNP, CU, CDA, LNF, VVD, S!N, GBNF, PvdA (27)

Tsjin: -

Moasje oannaam

Sa besletten troch de ried fan de gemeente Noardeast-Fryslân yn syn iepenbiere gearkomste fan 3 april 2025. De ried niisneamd, de griffier, Signed By: Dijkstra, Sytze <s.dijkstra@noardeast-fryslan.nl> 04/04/2025 11:18:37 CEST ID: fe1c5f39-7e5f-4ac8-97b5-b3e507e00d05

{{Signer1}} Auth: Scribble

mr. S.K. Dijkstra

de foarsitter, Signed By: Kramer, Johannes <j.kramer@noardeast-fryslan.nl> 07/04/2025 10:53:12 CEST ID: fe1c5f39-7e5f-4ac8-97b5-b3e507e00d05

{{Signer2}} Auth: Scribble

mr. J.G. Kramer