230629 Moasje - in drinkwettertaap op elk skoalplein yn Noardeast-Fryslân

2023-148650 MOASJE Art. 49 RfO Moasje oer in net op de aginda opnaam ûnderwerp

De ried fan de gemeente Noardeast-Fryslân yn gearkomste byinoar op 29 juny 2023.

Underwerp: In drinkwettertaap op elk skoalplein yn Noardeast-Fryslân

De ried, heard it beried, oerwaagjend dat: • it Nederlânske drinkwetter kwalitatyf bekend stiet as it bêste fan de wrâld; • 90% fan de Nederlanners bûten de doar leaver kraanwetter drinkt as boarnewetter; • kraanwetter oan folle mear easken foldocht as flessewetter; • de Klyster him ynset mei it projekt ‘Ik bin natoer’ om bern (en âlders) bewust te meitsjen dat drinkwetter tige wichtich is foar de sûnens; • de Klyster it wichtich fynt dat der op elk skoalplein in drinkwettertaap komt; • der yn ús gemeente in lokale JOGG-oanpak is yn de foarm fan “Sûn op eigen grûn”, dy’t skoallen ynformearret oer it bewust wurden fan harren sûnens troch de kampanje #Drinkwater; • it drinken fan kraanwetter net allinnich miljeufreonlik is, mar ek in bydrage leverje kin oan it tsjingean fan oergewicht; • skjin drinkwetter wichtich is foar bern en tagong ta skjin en feilich drinkwetter bydraacht oan harren sûnens, fiedingssûnens, ûnderwiis en dus harren wolwêzen en ûntwikkeling; • it wichtich is om bern tusken de 4 en 12 jier te stimulearjen om wetter te drinken: “Sûne jeugd sûne takomst”; is fan betinken dat: • wy mei it oanbieden fan fergees drinkwetter op skoalpleinen temjitte komme oan it deistige mannichte wetter en de sûnens fan bern; fersiket it kolleezje: • ynsichtlik te meitsjen hoefolle skoallen der yn Noardeast-Fryslân binne dy ’t in drinkwettertaap ûntfange wolle, sadat skoallen oan

de slach gean mei it stimulearjen fan it drinken fan wetter;

• • •

ynsichtlik te meitsjen yn gearwurking mei de Klyster hokker kosten oft dat mei him meibringt; de befiningen fan dit ûndersyk mei de ried te dielen; op basis fan de útkomsten fan it ûndersyk in útstel mei te nimmen yn de begrutting fan 2024,

en giet oer ta de oarder fan de dei.

Yntsjinne troch: R.J. Torensma (SIN) en B. van Dellen (FNP), VVD, BVNL, GBNF, CDA, fractie Tien, CU

Stimming

Foar: SIN, FNP, VVD, BVNL, GBNF, CDA, fractie Tien, CU, PvdA (26)

Tsjin:-

Moasje oannnaam

Sa besletten troch de ried fan de gemeente Noardeast-Fryslân yn syn iepenbiere gearkomste fan 29 juni 2023. De ried niisneamd, de plf. griffier, Signed By: S. Kooistra <s.kooistra@noardeast-fryslan.nl> 30/06/2023 12:36:21 CEST ID: 631c4f83-aed3-4af3-82de-3907428d5c9f

{{Signer1}} Auth: Scribble

S. Kooistra

de foarsitter, Signed By: Kramer, Johannes <j.kramer@noardeast-fryslan.nl> 30/06/2023 14:03:30 CEST ID: 631c4f83-aed3-4af3-82de-3907428d5c9f

{{Signer2}} Auth: Scribble

mr. J.G. Kramer