CConstaterende datAchtkarspelen
Koppel je AI →
Document · PDF

17 - Moasje frjemd oan de oarder fan de dei FNP, CDA - Foarkom skea oan ús lânskip troch de 380kV-heechspanningsferbining

Raadsvergadering 27 november 2025, gemeente AchtkarspelenBij agendapunt: Moasje frjemd oan de oarder fan de dei FNP, CDA: Foarkom skea oan ús lânskip troch de 380kV-heechspanningsferbining398 woorden

Open het PDF bij de gemeente ↗Naar de vergadering →

Tekst van het document

Uit het bestand gehaald, zonder opmaak, tabellen en afbeeldingen

MOASJE Wurklistpunt: 17. Moasje frjemd oan de oarder fan de dei Saak- en stiknûmer: 2025111812615/25ZG110730 Underwerp: Foarkom skea oan ús lânskip troch de 380kV-heechspanningsferbining De ried fan de gemeente Achtkarspelen byinoar op 27 novimber 2025 Fersiket it kolleezje: 1. Alles yn it wurk te stellen binnen syn wetlike en bestjoerlike mooglikheden om foar te kommen dat de 380kV-heechspanningsferbining troch Achtkarspelen oanlein wurdt; 2. Alle juridyske en bestjoersrjochtlike mooglikheden te ferkennen en, as dat nedich is, beswier, berop of oare rjochtsmiddels yn te setten tsjin beslútfoarming dy’t it trasee troch Achtkarspelen mooglik makket; 3. Aktyf de gearwurking te sykjen mei de gemeenten Tytsjerksteradiel, Ljouwert en oare belutsen oerheden om mienskiplik op te lûken rjochting provinsje, Ryk en TenneT; 4. Yn te setten op ûndergrûnske oanlis of alternative rûtes mei minimale skea oan lânskip, sûnens en leefomjouwing; 5. De gemeenterie geregeldwei te ynformearjen oer de fuortgong, de juridyske posysje en de mooglikheden foar ynspraak en partisipaasje foar ynwenners. En giet oer ta de oarder fan de dei.

Konstatearjende dat: • de provinsje Fryslân yn har regio-advys kiest foar in trasee fan de nije 380kVheechspanningsferbining fan TenneT dat fia Surhústerfean en Burgum troch de gemeente Achtkarspelen rint; • dit trasee grutte gefolgen hat foar it iepen en karakteristike kûlisselânskip fan Achtkarspelen, dat beskiedend is foar de identiteit, leefberens en toeristyske oantreklikens fan ús gemeente; • it provinsjale advys erkent dat de ferbining gjin direkte mearwearde hat foar Fryslân, om’t der gjin ôftakking op it Fryske net komt en de besteande netkongestje der net mei oplost wurdt; • der alternativen besteane (benammen trasee 4 en 5 lâns de A7) dy’t koarter, goedkeaper en minder skealik foar it lânskip binne, en wêrby’t (diels) ûndergrûnske oanlis technysk en finansjeel mooglik is; • neffens advizen fan it RIVM der noch ûnwissichheid bestiet oer de sûnenseffekten fan wenjen yn de buert fan heechspanningslinen, benammen troch langduorjende bleatstelling oan elektromagnetyske fjilden.

Oerwaagjende dat: • de oanlis fan 60 meter hege peallen in ûnomkearbere oantaasting foarmet fan natuer, lânskip, ekology en wenkwaliteit yn Achtkarspelen; • it Ryk by de úteinlike beslútfoarming ôfwike kin fan it provinsjale advys; • it gemeentebestjoer alle mooglikheden benutte moat om dit plan te beynfloedzjen en foar te kommen dat dit “ûnheil” ús gemeente treft; • Achtkarspelen him earder al dúdlik útsprutsen hat tsjin it noardlike trasee en foar in alternatyf mei minder romtlike en maatskiplike skea. Wopke Veenstra, FNP-Achtkarspelen Thea Kuipers, CDA-Achtkarspelen

De tekst is automatisch uit het bestand gehaald en kan afwijken van het origineel (kolommen, tabellen en koppen lopen door elkaar). Het officiële stuk bij de gemeente is leidend. Bron: https://api1.ibabs.eu/publicdownload.aspx?site=Achtkarspelen&id=ba0c22f0-0b97-426c-8667-83c8070789fe